العالم - ثقافة
وجّه الكاتب السوري أحمد قصار الذي شارك في كتابة سيناريو مسلسل "الهيبة الرد"، رسالة شديدة اللهجة إلى بطل “الهيبة” النجم تيم حسن على خلفية تكراره مفردات النمط القديم في الشخصية الجديدة التي ظهر بها الأمر الذي أدّى إلى إصابة الشخصية بخلل (بحسب قصار).
وجاء انتقاد قصار لبطل “الهيبة “عبر رسالة موسعّة نشرها على “الفيسبوك” فندّ فيها ما استخدمه تيم من بعض المفردات التي اشتهرت بها شخصية جبل في الأجزاء السابقة من العمل، متوجّهاً اليه بالقول “ما بتذكر اني كتبتلك بالنص كلمة اسبت، وماتهكلو للهم ومنتهية، وفرج … الخ من مفردات نمطك القديم… بالمناسبة كلمة فرج تعتبر كلمة نابية عنا بالشام، “فما حلوة كل ما عم تقول فرج الناس عم تجاوبك فورًا”.
وأضاف "المهم… خلينا نحكي بشكل علمي كونو نحن التنين دارسين سوا بنفس المكان على ايدين نفس الأساتذة بعتقد، بعيدًا شوي عن المنفّذين الحرفيين وأفكارن، ما رح يفهم علينا كتير. لمهم حاولت… لما بلّشت كتابة، كسر نمطية الشخصيات بعد ما كانت منمطة كتير ومستنفذة بالأجزاء الماضية، وكانت عندي الرغبة بتحويل هي الأنماط لشخصيات ومنهن شخصيتك، ليكون عندهن صراع داخلي وبعد نفسي يلي بخلينا ما نتوقع ردات فعلن ويعطيهن تجديد على صعيد كل شيء وكي تصبح عملية التحويل هي من نمط لشخصية كان لازم إجراء تغييرات كبيرة بأحداث العمل وتعريض الأنماط لتحولات جذرية عميقة تنقل النمط لمكان تاني وكان القرار بشخصيتك تعريض النمط جبل لفقدان العائلة بشكل مأساوي قادر على تغيير سلوك النمط، وخلق شرخ كبير طلع معدن الشخصية الأساسي وحولوا لشخصية، وكمان تجربة العيش في العزلة بين الجرود وهي مرحلة تطهير كبيرة تعرضت لها الشخصية وقدرت تغيرها وتيجي بشكل جديد ومعطيات جديدة ولغة جديدة، وصار هاد الشي وانت كممثل كنت موفق بكل التفاصيل على صعيد الشكل وتغير الأداء الأنفعالي، أما انك بعد هذا الجهد بتحويل الأنماط لشخصيات تروح تستعار مفردات النمط القديم وتستعملها على الشخصية الجديدة بتكون عم تعمل خلل كبير يا حبيب، بضرك ألك اول شي، مشان ما يصير فيك متل غوار وحسني وياسينو لما النمط يبلع الممثل ويصير أكبر منو وتصير محاولات الخروج من هي النمطية عبثية وغير مجدية".
وطلب قصار من تيم بالخروج من هذا االنمط بقوله: “التحول يلي عملتو بالشخصية على صعيد الأداء منيح كتير، بلكن رجعت تنمط حالك بمطارح ما كان لازم تعمل هيك مهما ضغطوا صناع النمط الفنيين يلي بعتقد حسب معرفتي فيهن ما بيعرفو يميزوا بين النمط وبين الشخصية. والحل انك تطلع من هذا النمط لتروح لشي جديد بحياتك هي انك تعمل شخصيات”.
دعاه إلى فصل النمط القديم عن شخصيته الجديدة
وتابع "أما بالنسبة لبداية المسلسل بالشارة كاتبين “تيم حسن في الهيبة” استاذ تيم حبيبنا “في” بدنا نبطلها ونوزن شوي ما حلوة في عالم كتير عم تشتغل وبتاخد العقل ومو شغلتها تدور بفلكك، وكما قال محمود درويش نرسيس ليس جميلاً.. كما ظنّ . لكن صُنَّاعَهُ ورَّطوهُ بمرآته يلا سلام تاني مرة وقت بدك ترتجل مارح قلك خود أذن رح قلك أستشير قبل ما تعمل هيك شغلات، وكان لازم مدرب الممثلين ينتبه على هذا الشيء كونه شخص أكاديمي لكن لا أعلم هل يستطيع أن يوجّه لك ملاحظة".
وفي الختام أبدى قصار إعجابه بالمسلسل جداً ولاسيما وأنّ هذا الجزء يُظهر تيم بشخصية وهو يُصارع ضد هدف نبيل وهو محاربة صناعة المخدرات، لافتاً في الوقت عينه إلى أنه لو عاد اليه الأمر لقتل جبل شيخ الجبل في المسلسل أثناء محاربته لهذه الصناعة المضّرة بالبشرية لأجل تحقيق الهدف وجعل منه أحلى بطل تراجيدي.
ومما قاله:"على فكرة أنا أحببت المسلسل وأحببت شو عامل بس هيك حبينا نغاشك وصراعك ضد هدف نبيل وهو محاربة صناعة المخدرات من أسس تحويل شخصيتك ولو صحلّي أقتلك بالمسلسل انت وعم تحارب لتحقق الهدف كنت عملتك أحلى بطل تراجيدي لكن لا استطيع هذا باب رزق. بكل حب حبيب.. لاعاد تنمط حالك. يلا سلام نسيت اعطيك مثال توضيحي. شخصية عبود ما كانت نمط رغم انو هيك بتبين. فهمت علي ولا عيد يا سعيد.. انتهت الرسالة".